感覺,就如空氣…

我覺得…
對往事ge感覺, 就好似一樽o係某地方買番o黎ge當地空氣…

你每打開樽蓋, 聞下陣氣味…
就會流走一o的…
打開次數愈多…
氣味濃度愈低…

往事都係咁…
重溫愈多次…
感覺就愈淡…

但係…
你太耐冇打開樽蓋…
氣體一樣會慢慢流走…

嗯……..

(發up瘋)

---

25/09/04(六)
23:23

亦即係所謂…
當你重溫記憶既同時…
記憶其實已經被若干程度重寫…

每回憶一次… 記憶就改寫少少…

…

日記所盛載的…

我同其它四位committee member約好o左 7:35am要 開會…
七點三… 先聽到鬧鐘響!
我明明教好o左六點十一… ><so… 一起身… 就用盡最快ge速度換校服,
之後衝入廁所…
刷牙、洗臉、係咁e 整下個頭,
就出o黎… 拎起書包等…
出門口…
就出到門口聽到鯩聲…!
好彩趕得切班鯩o者…

去到搭小巴…
條隊好長!! 長到要u turn…
跟據經驗… 我估計要第三部車先到我上…

第一部車好快就到…

第一部車走o左之後…
俾我見到有個好低能ge 低form ge男生走埋o黎…
施施咁去到我前面插隊!
我心裏叫嚷著…「頂!」
(真係好想講出口… = =”)

第二部車o黎lu…

走o左之後…
竟然俾我見到… 竟然有第二個男生…
走埋去頭先插隊果度!
有冇搞錯?!
一個人, 霸三個位?

…….

終於… 7:35am
第三部車到喇…
o的乘客不斷咁上車…
我就一個一個咁數, 睇下我排名係咪o係十六之內…

等我講講當時排隊ge情況…

(前)…男 男 男 女 我…(後)

果三個男… 就係插隊果三個…

我數數… 我排第十八個!
即係… 若果佢地唔插隊… 我就上到!

當我諗得愈o黎愈唔忿氣果時,
到佢地上車lu..
怎料, 佢地竟然會因為冇連續ge位,
而俾我上車先~

(yeah…)

(e….. 用o左咁多篇幅o架喇?)

上面打的文字很幼稚吧…^^”

這是節錄自我中學打的日記…

在閱讀的時候… 我不期然地很愉快
雖然很白痴, 但確實是一段”美好”的回憶…
曾經那麼單純… 過這樣簡單的日子…
…

然後, 我才驀然發現：

原來文字可以鎖住,文字所表述的感覺,以外的東西

---

需要花些文字說明一下：

看看這一句

今日上pe堂時… 我副眼鏡俾個籃球撞跌落地… 鏡框崩左…>.<

單從文字上
就旁觀者第三身去看
可以得到 “因為眼鏡爛了” 而 “感到傷心” 這個感覺

但對於 事主本身, 他/她 可能有得到另一重的意思:
(可能)那一副眼鏡是 他/她 儲了整年 零用錢
挑了很久, 而且偶然在一間眼鏡店內, 看見, 戴起上來還很合襯…(etc etc)
所以對作者而言, 這是特別的珍貴…

又或者, 這副眼鏡, 另作者想起於之關聯的某某往事.

有時候,作者本來已把這事情忘記了
但偶然地看回自己的日記

才 “關聊感應” 地 想起與之某某的事情…

---

不… 還我本來想說的有所出入…

但不打緊, 總而言之, 我想說的,
大概就是, 日記 記述的, 不止是單單所寫的文字.

過度保護

思絮有o的亂.
人愈大思絮愈亂.

–

如常地睡前胡思亂想
乜都諗下

話你聽,最常諗起/咁啱諗到既
係 曾經鐘意過既人

人腦諗野就係咁特別
“關連”
一個node… 突觸…
本來唔係咁啦間既野
一o的平時唔會諗起既野
突然間,又會諗起喎.

嗯.. 諗下諗下..
諗起中四既時候..

果時同”邊個” “開始”冇耐
你知,熱戀期
情侶間會如膠似漆
糖痴豆咁

我諗呢… 要真正拍過拖既人
先至會明白咩叫做”一日不見如隔三秋”
(暗戀果時愈想見到人
(不過去到你表白成功,開始左喇,
(但基於種種”理由”,唔能夠成日同對方見面
(果一種”掛住”人既感覺…. 好可怕…)
(真架!!同你暗戀人果時唔同的,勁好多倍!!)

呀,off-topic.
..係喇,咁掛住對方,自不然會想同對方傾電話
電話頻密度…多到…
阿爸阿媽不期然地發現左呢件事.

阿爸阿媽當其時好反對拍拖

我好好好好好好僧阿爸既理據:

『而家拍拖,遲早都失戀架啦』

下一句,我仲更加之僧(到而家諗起都仲係好火)

『你第時出到黎,搵到錢喇,你怕到時冇人鐘意你?』

….

佢意思係
我地仲細個,仲係很傻很天真
唔識咩叫做拍拖
未夠成熟
唔知咩叫做鐘意
到成熟啲,先搞呢啲野喇
無謂俾拍拖影響你讀書

佢仲成日quote佢識果個陳太既女

『呀陳太個女之前咪同人拍拖lor,跟住讀唔成書,退左學,而家失戀,你睇而家人地幾陰公?』

….
唔得喇,我忍唔住喇,唔想再打落去
好想逐一反駁.

1)
我想講,第一點好重要係,出到黎搵到錢,令人地鐘意你既愛情
夠o係中學時鐘意人果種感覺,”純真”嗎?
…我始終覺得,人愈大,思想係冇錯更加成熟
不過同時地,鐘意人更加有”條件”…
somehow唔係真心真意地鐘意人lor

2)
拍拖同讀書完全係兩回事
有人係會因為前者影響後者
但拍拖真係可以學到野喎…
學識點樣同異性相處(我反對同性戀,但唔會歧視同性戀)
包容呀,體諒對方,安慰,照顧對方…等等等等
拍拖唔見得比學業唔重要喎…
而且,”愛情”同”學業”兩者兼得既例子,大有人在吖
仲可以從中學識平衡喎…

3)
你話”拍拖遲早都失戀”
呢點somehow我贊成…有幾多對夫婦係初戀時相識?
不過…未跌倒過,又點學到野?
呢一種過度保護子女既態度…
我尤其地僧恨……………………..

..

人生於世上 有幾個知己?

二零零四年九月二十日　星期一　晴

好支力…
支力ge感覺…
等於過去ge我捱o左一晚通宵之後咁支力…
ya… 經過會考… 我身體弱o左好多…
(都係怪會考假期太遲訓…)
尤其因為今日上pe堂…

---

唔知點解…
自從會考之後…
耐唔耐, 一種莫名ge失落感會充斥o係腦海當中…
o係呢個時候…
我會諗下… 我可以同邊個講下呢種感覺…
我好想, 好想搵到一個人講下我心裏面所想ge野…
對自己ge不滿… 對其它人ge不滿…
對世事ge埋怨… 對過去自己做錯ge事ge埋怨…
但係…
就始終冇一個咁ge人可以俾我搵佢傾訴…
…
我識ge朋友當中…
玩樂朋友居多…
no, not some, but it should be all——-
for now, not the past嗯…
都唔係ge~
有時, 佢地會同我講o係學校度遇到ge不如意ge野…
and對其它人ge不滿…
我就只會好耐心咁聽… 聽…
同佢地解釋…
算啦、睇開o的啦…etc

但係呢, 我心裏面ge野,
又唔會點講o架o番…點解呢?

我冇試過…?
no… 我試過…
但係, 總覺得佢地對我講ge野唔感到有興趣…

---

就係因為佢地冷淡ge反應…
好似就o係度講緊：
「呢o的o野咁濕碎… 不提也罷啦… 」
令到我… 有種… 受傷害ge感覺…
就係因為我唔想再次體驗呢種受傷害ge感覺…
我唔敢再同佢地提起一o的我心裏面ge鬱悶…
心裏ge鬱悶愈積愈多… 好似裝滿o左苦水ge杯…
終於忍唔住… 想講…
就講到出口ge時候…
我就會回想上次向佢地提起呢o的事之後情境…
佢地ge反應…
為避免受傷害ge感覺增多…
我就只好忍住唔講…
苦水冇位可以同人分擔… 就只好飲咁少少…

漸漸… 呢種受傷害ge感覺…
就成為o左我好想提起ge事件之一…

無窮迴圈產生了。

(長嘆…….)

---

嗯…

有時…
我會o係度諗…
點解… 傾訴心事呢一種事…
始終係單向(向我)ge…?

---

我真係好羨慕一o的人…
一o的…
如果自己有咩事發生… 有咩事唔開心…
就可以即時打俾某個朋友…
同佢講… 同佢”呻”…
o係佢口中得到安慰… 得到支持…
得到鼓勵… 得到動力…

---

始終覺得電話係一樣好重要ge工具…
可以即時同相隔好遠ge人進行即時對答…
對答時… 佢就好似o係正你隔離咁…
佢一句安慰ge說話…
就好似佢好同情咁望住你… 然後一下拍拍膊頭咁…
一句支持ge說話…
就好似借個膊頭俾你挨落去咁… 俾你o係上面流淚…

可惜o丫…
o係現實世界中…
我, 可以話冇一個講到心事ge朋友…
nono, 應該話…
o係現實世界中…
我, 冇一個好似上述ge ideal 知己咁…
有乜事可以o係佢ge說話當中即時得到支持…

---

我覺得…
對於每個人o黎講, 唔開心ge定義唔同…
有人會為做o左一件俾人取笑ge事而唔開心…
亦有人會為

「石頭不是砸在你腳上~~你當然不能了解有多痛」好鐘意呢個比喻…
唔開心ge時候…
就好似俾一塊石頭重重地砸(呢個字點讀?)o係人地ge腳上…
佢大嗌: 「好痛啊!」
你可能會問: 「小小事o者…」

佢冇可能將「痛楚」ge神經脈衝傳送俾你…
俾你體會下這是何等的痛楚…
即使可以… 每個人ge大腦, 對於同一個神經脈衝, 或會有唔同ge翻譯(感覺)…
(↑呢句o岩唔o岩…?)

你係好難理解人地ge苦…
反之亦然…
呢個時候… 就要有同理心喇…

---

我覺得…
講心事ge對象…
一定o係性格上… 同思想上, 同自己有某程度上ge相似…
咁樣… 佢對你會比較容易產生同理心…
(當然啦…
(你識一個人愈耐… 你對佢ge了解就會愈深…
(要對佢產生同理心… 同樣會比較容易…)

除o左同理心之外… 仲要有ge
係, 要係可以認真處事、而且可以理性咁o係你立場諗ge朋友…
仲要…
對於你果件「心事」有某程度上ge「經驗」…

---

可惜…
世界上咁多種人, 咁多種性格…
要搵到一個o係性格上「配合」你,
可以俾你同佢盡訴心中情ge人…
係幾咁難!
而且… 仲要o係一生之中…
你地有機會相遇…
先有機會成為朋友… 繼而成為知己…

所以呢… 「人生於世上有幾個知己？」這話不錯…
(這句是否反問?)

(嘆…)

---

嗯…
我呢種人又係ge…
極之被動…
自我保護意識極強…
大概… 係因為「童年陰影」所造成吧…

(長嘆……..)

---

而家ge我…
一唔開心…
如果唔係o係訓覺狀態…
一係就會做o的「傷害」自己ge野…
一係, 就會寫字… 寫日記…
(向無形ge對象”呻”)
如果係o係訓覺前諗到ge話…
通當… 都會祈禱…
每次祈完禱… 都會舒服好多…
(真係好奇妙)

---

haha…
講開又講…
我, 同 佢–上帝 ge關係都幾咩下…
會考之後… 都係我有事先會搵佢…
嗯…
但係呢, 我真係好信佢o架…

經過1月至2月ge折磨之後…
我開始叫自己…
順從神ge旨意…

我深信… 神係有佢最美好ge安排o架…
只要你跟從ge話…
每一日, 每一刻… 都係最美好的
由3月起… 好多日, 直接會考, 隔一至兩日
我就會靈修一次…
神安排我睇到果o的經文…
都係, 叫我信佢, 要對佢有信心…

從果時起… 我就學會順從佢安排俾我ge命運…

而且, 都學會感恩…

雙曲線

仍舊是這樣的感覺…

---

妳打的日記不多.

妳開心時, 我會暗地對感到高興…
妳傷心時, 我會為妳擔憂, 卻被不能夠為妳做點甚麼這事實擊沉…

但妳打出來的時候.
似乎是苦多於樂…

在這個時候, 我總是想
假若, 在妳身旁的不是他.
狀況會否不一樣…?

我總是在想.
他有沒有盡自身的責任
在妳須要他的時候, 去安慰妳, 扶持妳?
他究竟能否給你幸福呢?

老實說, 我不太認識他…
老實說, 我也未算了解妳..

不過看妳仍然用那一張profile 一雙一對的圖片.
又用那一首 bgsound 作為日記的主題.
我想… 妳倆還非常要好吧…

很多時候, 見妳發了一篇博文, 說不開心..
說甚麼情緒低落…
真的好想用MSN去找妳.
忍問妳為了甚麼事情而不開心.

在MSN裏, 妳經常在線
但和你交談過的.
自大一以來, 除了借還書以外, 就幾乎完全沒有了…

狀況是仍然糟…

我還暗自用「雙曲線」去描術我倆之間的相遇…
意思是 從不認識, 到彼此稍為接近, 然後, 在最接近的時候, 又各散東西…

不過稍為想想, 其實這是白痴的.
人與人的相識,相知,相離,
不完全都是這樣嗎…?
正所謂「天下無不散之筵席」不就是這個意思嗎…?

就是因為曾經這麼的喜歡妳…
我才硬加這樣的以美化去描術我倆的相遇..

很白痴呢… 永遠充當祝福別人的「好人」..

…

private entry.